ИIофшIэнкIэ къыдилъытэщтых
Опубликовано 04.12.2017Урысые Федерацием и Федеральнэ ЗэIукIэ и Къэралыгъо Думэ идепутатэу Хьасанэкъо Мурат джырэблагъэ Адыгэ Республикэм цIыфхэр щыригъэблэгъагъэх.
Нэбгыри 6-у мыщ къекIолIагъэхэр нахьыбэрэмкIэ зыгъэгумэкIыщтыгъэхэр гъэсэныгъэмкIэ, социальнэ лъэныкъомкIэ, физическэ культурэмрэ спортымрэкIэ Iофыгъохэр ары.
— Адыгеим и ЛIышъхьэу КъумпIыл Мурат ыкIи республикэм игъэцэкIэкIо хабзэ икъулыкъухэм ренэу анаIэ атырагъэты ныбжьыкIэхэм апшъэрэ гъэсэныгъэ дэгъу ягъэгъотыгъэным иIофыгъохэм ыкIи тичIыпIэгъухэр хэгъэгум иапшъэрэ еджэпIэ анахь дэгъухэм амал зэриIэкIэ анахьыбэу ачIэхьанхэм. Арышъ, мыщкIэ анахь мэхьанэ зиIэр къэралыгъо ушэтын зыкIхэр тэрэзэу атынхэр ары, нэмыкIхэмкIэ тэ IэпыIэгъу тафэхъущт, — къыхигъэщыгъ Хьасанэкъо Мурат.
Джащ фэдэу фэтэрыбэу зэхэт унэм чIэс ны ныбжьыкIэхэм депутатым зыкъыфагъэзагъ курэжъыекIэ къехынхэм пае пандусхэр зэрэщымыIэм къыхэкIэу IэкIэ кIэлэцIыкIухэр зэрыс курэжъыехэр ежь-ежьырэу ныхэм къырахьыхынхэ фаеу зэрэхъурэм епхыгъэу. Депутатым иIэпыIэгъу пшъэрылъ фишIыгъ фэтэрыбэу зэхэт унэм нэмыкIхэу щыпсэухэрэм зэрар афэмыхъухэу а Iофыгъом изэшIохын екIолIэкIэ тэрэз къыфагъотынэу.
Джащ фэдэу ны-тыхэм ацIэкIэ депутатым зыкъыфагъэзагъ Адыгэ республикэ общественнэ организациеу «Адыгэ Республикэм щыщхэу щабзэхэмкIэ щэрыохэрэм яфедерацие» зыфиIорэм илIыкIохэм. Ахэр зыгъэгумэкIыхэрэр мы организацием Iофэу ышIэрэм шIуагъэу къытырэм джыри нахь зыкъегъэIэтыгъэнымкIэ амалэу щыIэхэр ары. Хьасанэкъо Мурат структурэ гъэнэфагъэхэм Iофыгъоу къэуцугъэр алъигъэIэсыгъ.
— Урысые политикэ партиеу «Единая Россия» зыфиIорэм ипартийнэ проектхэм адиштэу республикэм и ЛIышъхьэ Адыгэ Республикэм щыпсэухэрэм щыIакIэу яIэр нахьышIу шIыгъэным фытегъэпсыхьагъэу зэшIуихырэ Iофтхьабзэхэм анэмыкIэу чIыпIэ Iофыгъоу къэуцухэрэм сэри амал зэриIэкIэ сызэрахэлэжьэщтым сынаIэ тезгъэтыщт, — икIэухым къыIуагъ Хьасанэкъо Мурат.
КЪАНДОР Анзор.
Урысые Федерацием и Федеральнэ ЗэIукIэ и Къэралыгъо Думэ идепутат иIэпыIэгъу.
Официальный сайт республиканской газеты «Адыгэ макъ» 1.12.2017 г.: http://www.adygvoice.ru/wp/иiофшiэнкiэ-къыдилъытэщтых/
Биография
Хасанов Мурат Русланович
родился 10 декабря 1970 года в ауле Егерухай, Кошехабльского района, Краснодарского края.
С 1984 года начал заниматься борьбой дзюдо - самбо, за карьеру спортсмена принял участие во множестве соревнований всероссийского и международного уровня, и стал победителем 19 чемпионатов России, 7 чемпионатов Европы, 11 чемпионатов мира и 8 кубков мира по самбо, а также является бронзовым призером Чемпионата СССР, бронзовым призером кубка мира, чемпионом России по дзюдо.
Подробнее